Description
Voel jy soms dat jy wil opgee? In almal se lewens is daar uitdagings wat ons moet oorkom, maar ons kan besluit om nie in te gee of op te gee nie. As jy gewillig is om elke tree van die pad na God se stem te luister, sal niks jou onderkry nie – nie ander mense nie, nie jou eie tekortkomings nie en ook nie enigiets in jou verlede nie.
Joyce Meyer glo God het ’n besondere doel met jou en wil graag hê jy moet dit bereik. In Moenie opgee nie! wys sy lesers hoe om die beste op elke terrein van hul lewe na te streef. Dit sal jou die inspirasie gee wat jy nodig het om een voet voor die ander te sit as jy moedeloos raak.
Joyce bespreek kwessies soos:
- Moet nooit sê ‘nooit’ nie
- Weier om in vrees te lewe
- Moenie opgee as iets vir jou belangrik is nie
- Probeer iets nuuts
- Die krag van hoop
As jy hierdie raad volg, sal niks jou daarvan weerhou om suksesvol te wees nie. Moenie die nuwe begin wat God vir jou beplan het, misloop nie. Sorg net dat jy gekoppel bly aan die ware bron – Jesus. Weier om op te gee en wees vasberade om die vervulling te beleef van dit wat God vir jou wil hê. |
